من طرف مهدي المريسي الأحد نوفمبر 09, 2008 1:42 amفيصل المريسي |
يثور الشعر لا هزت ضلوعي رهبة القيفان
ويتمايل خفوق المرجلة من دون راعيها
على صدر الورق تولد خفايا ثورة الأوزان
وتتناثر احاسيس الغلا في حضن بانيها
يهم الصوت لا منك كبته وانفجر بركان
واذا ثارت براكين الشعر من هو يطفيها
أنا ماني بحاجة فلسفة افكار أو ديوان
ولا محتاج لا ثارت هجوسي من يهديها
أنا شاعر وفي صدري لغايات الشعر عنوان
ولي نهجي واسلوبي وعارف كيف امشيها
عوايدنا مثل ما هي رسمها جدنا قحطان
واذا تصعب على غيري ولا يقدر يسويها
أنا عارف أمشيها وامشِّيها على الميزان
وعارف كيف أهديها ولو تكثر بلاويها
لأني من بلد تفخر به الأجداد والعربان
عريقة والعرب تفخر بحاضرها وماضيها
حضارتها مجدها راسخ ومذكورة في القرآن
لهاتاريخ لو بكتب سطوري ماتكفيها
نشرنا الدين في كل البقاع واخر البلدان
لنا وقفات ماتنسى ولا به من يجاريها
سلوا عنَّا جبال السند سلوا التاريخ والأزمان
سلوا بلقيس وش آخر نهاية من يعاديها
سلوا عنا بلاد الفرس والاتراك والرومان
سلوا شيخ العرب زايد كثر ما كان يغليها
سلوا جابر وابو متعب وقايدنا أبو سلمان
سلو قابوس عن حبه لها ودايم مخاويها
سلوا الدوحة وقايدها ابو مشعل عظيم الشان
هذاك اللي وقف وقفة مع الوحدة وحاميها
سلوهم ربما تلقوا اجابة لو أنا غلطان
مع اني لو شرحت أكثر -وربي- ما اوفيها
على فكرة أنا ماجيت اميزها عن الأوطان
واحرم باقي الأوطان من حبي واعطيها
أنا حبي لها يمكن يساوي مصر او لبنان
مع اني لازم اعشقها واقدرها واحييها
واعلقها على صدري والف بحبها البلدان
ولو طالت مسافاتي -وربي- ما اخليها
أنا وشلون أخليها وهي أمي وهي العنوان
وهي عزي وتاريخي وقلبي عايشٍ فيها
محبتها زرعها الله وموجودة بكل انسان
نعم أم العرب أمي وكل واحد يناديها
أحبها مثلما حب الخليج ولا ابي برهان
حقيقة واضحة كالشمس ولابه من يغطيها
لأنها جزء من ارض الخليج ومن قدم لازمان
واذا كان الحدود اكبر عوايقنا بنلغيها
ولكن مادفع شعري وفجَّر داخلي بركان
سمعت البارحة تافه يانبها ويهجيها
وشعبها على قوله بشعب الهند والافغان
عديم الأصل في طبعه على كيفه يسميها
غريبة والغريب أنه تناس من قبل وش كان
مجرد شخص مايسوى مع الحرمة مواطيها
يكفينا فخر حنَّا بلد حكمة وبلد ايمان
ويكفي الناس تتعلم من الحكمة مباديها
يكفينا فخر وقفة خليفة فارس الفرسان
ويكفيها فخر حبه وتقديره يكفيها
هذاك اعظم وفا شفناه بالتاريخ الين الآن
واعظم حب متبادل مع القايد واراضيها
عدل سابقا من قبل مهدي المريسي في الثلاثاء ديسمبر 30, 2008 5:46 pm عدل 1 مرات
